Kerry Washington | |
---|---|
Persovntiäđuh | |
Šoddâm | uđđâivemáánu 31. peeivi 1977 |
Bronx, New York, Ovtâstum staatah | |
Karrieer | |
Aktiivlâžžân | 1994– |
Merhâšittee roolah | Ray Mr. & Mrs. Smith The Last King of Scotland Django Unchained |
Peerâ | |
Pelikyeimi | Nnamdi Asomugha (2013–) |
Párnááh | 2 |
Lasetiäđuh | |
IMDb-sijđo | IMDb |
Kerry Marisa Washington (š. 31. uđđâivemáánu 1977 Bronx, New York) lii ovtâstumstaatâlâš čaittâleijee, pyevtitteijee já stivrejeijee. Suu tobdeh pyeremustáá TV-rááiđust Scandal (2012–2018), mast sun čaittâlij válduroolâ. Sun lii čaittâlâm meid tobdos elleekuuvijn tego elleekooveest Mr. & Mrs. Smith (2005) já Quentin Tarantino elleekooveest Django Unchained (2012).
Kerry Washington šoodâi Bronxist, New Yorkist Earl já Valerie Washingtonin. Sun finnij sosiaallávt tiäđulâš pajasšoddâdem. Vanhimeh ovdâmerkkân tuálvoin 13-ihásâš Kerry Yankee Stadiumin kuldâliđ esken rijjâvuođâs finnim Nelson Mandela, já juhlostáin suu jienâstemvuoigâdvuođâ 18-ihásâžžân.
Washington juuđij pärnivuođâst nubálovihásâžžân Spence School Manhattanist.
Ohtâ aaibâs vuosmuin čaittâleijee pargoin, mon Washington finnij, lâi uánihis seksuaalvuotân lahtojeijee skeecih, main sun juuđij čaittâlmin škoovlâin. Skeecij maŋa čaittâleijeeh pisoi rolâstis ton puudâ, ko keččeeh koijâdâllii koččâmâšâid. Washington lii maŋeláá muštâlâm, ete tot lâi ohtâ pyeremuin čaittâlemhárjuttâsâin, moh sust láá lamaš.
Vuosmuš čaittâlem roolâ kamera oovdâst Washingtonist lâi televisioelleekooveest Magical Make-Over ive 1994.
Washington šadda čaittâliđ oovtâst Omar Syin Lionsgate elleekooveest Shadow Force. Sun lii meid mieldi pyevtitmin elleekove.