Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un youtuber ye una persona que comparte videos a lo ret social YouTube y interaziona con os suyos subscriptors. I hai una gran variedat de youtubers, beluns d'éls publican videos de moda, atras de videochuegos, de cocina u de mosica.
Os youtubers s'han convertiu en una important fuent d'información y entretenimiento pa los Millennials y la Cheneración Z.
I hai una gran variedat de nombres pa describir os diferents tipos de youtubers y de videos que fan. Toz istes parolas son en anglés a causa d'o gran influxo d'a cultura de Estaus Unius.
O tag ye un tipo de video án os youtubers responden preguntas predeterminadas sobre un tema concreto y son penchaus a YouTube pa que los subscriptors d'a canal puedan conoixer una mica mas qué los fa goyo.
Os unboxings son videos án os youtubers amuestran a suya reacción a l'ubrir un paquet que ha estau ninviau, normalment per interpresas, pero a vegadas, per individuals como amigos u subscriptors d'a canal.
Os vlogs (u tamién videovlogs) son uns videos án s'amuestra lo día a día d'o youtuber. Istes videos son improvisaus y pretenden amostrar la suya rotina u como ye pasar un día con éls.
En istos videos os youtubers amuestran tot lo que s'han crompau en un temps determinau y en fan una chicota resinya oral.
Os tutorials son videos án os youtubers amuestran paso a paso como fer una actividat.
Os tours son recorrius feitos per un puesto án se va amostrando a lo publico tot lo que i hai en aquel espacio.
En istos videos (de l'anglés con significau "qué i hai en a mía pocha") amostran lo que tien pa que lo publico pueda entender una mica mas los suyos gustos y costumbres.
Os booktubers son aquels youtubers que charran de libros en os suyos videos.
Os youtubers (que astí son clamaus "gamers") que fan videos compartindo las suyas partidas de videochuegos.
Entre los youtubers aragoneses cal destacar: