Fernando de Noronha | |
---|---|
Luftbild | |
Gwässer | Atlantik |
Geografischi Lag | 3° 51′ S, 32° 25′ W |
Zahl vo de Insle | 13 (+8 Klippe) |
Hauptinsle | Fernando de Noronha |
Gsamtflechi | 26 km² |
Iiwohner | 3000 |
Charte vo de Insle |
Fernando de Noronha isch e brasilianischi Inselgrubbe im Atlantik. Iire Ursprung isch vulkanisch. D Insle ligge öbbe 350 km östlig vom brasilianische Festland und ghööre zum Bundesstaat Pernambuco. Dr Naame vom Archipel chunnt vom portugiisische Händler Fernão de Noronha, wo d Insle vo dr portugiisische Chrone gschänkt überchoo het für sini Verdienst um e Holzimport us Brasilie.
D Inselgrubbe bestoot us 21 separate Landflechene mit ere Gsamtflechi vo 26 km². D Hauptinsle, won dr gliich Naame wie dr Archipel het, isch die grössti Insle und die äinzigi, wo bewoont isch. Si het e Flechi vo 17 km². Dr Morro do Pico isch die höggsti Erhebig uf dr Insle und isch 321 m hooch.
Näbe dr Hauptinsle het s non e baar chliini Insle:
|
|
|
S Klima isch s ganze Joor lang dropisch häiss. Die durchschnittligi Tämpratur isch 28 °C. Es git zwäi Jooreszite, d Drochezit (September bis Februar) und d Räägezit (Merz bis August).
D Hauptinsle isch sit öbbe 400 Joor besiidlet und het jetz fast 3'000 Iiwooner. Die mäiste lääbe im Hauptort Vila dos Remédios.
Vor zää Joor het d Bevölkerig no fast usschliesslig vom Fischfang und vo dr Landwirtschaft gläbt. Hüte schaffe nume no öbbe 40 Persone in dene Beriich, wäärend 500 im Turismussektor beschäfdigt si.
Dä Artikel basiert uff ere fräie Übersetzig vum Artikel „Fernando_de_Noronha“ vu de dütsche Wikipedia. E Liste vu de Autore un Versione isch do z finde. |