Dr William „Bill“ Henry Gates III, KBE (* 28. Oktober 1955 z Seattle/USA) isch en US-amerikanische Unternämer und Programmierer.
Dä Bill Gates hät 1975, gmeinsam mit em Paul Allen, d Microsoft Corporation gründet. Er bsitzt öppe 501 Millione Aktie vo Microsoft (öppe 16 Mrd. US $), was knapp 6 % vom Grundkapital entspricht, isch Uufsichtsvorsitzende und bis 2006 Leiter vo dä Entwickligsabteilig („Chief Software Architect“) vom Unternäme gsi. Sit em Dezämber 2004 isch er au Mitgliid vom Ufsichtsrat (Board of Directors) vom Berkshire Hathaway.
Dä Bill Gates isch im 2009 wider dä riichsti Mänsch uf de Wält gsii, nochdäm er 2008 nur uf Platz 3 gstande isch.