கிறிசு ஃபுரூம்

கிறிஸ்டபர் ஃபுரூம் (Christopher Froome, பிறப்பு மே 20, 1985) பிரித்தானிய சாலைப் பந்தய மிதிவண்டி வீரர். இவர் கென்யாவின் நைரோபியில் பிரித்தானியக் குடும்பமொன்றில் பிறந்தவர். தமது 14வது அகவையில் தென்னாப்பிரிக்கா சென்றார். தற்போது மொனாக்கோவில் வாழ்கிறார். இசுகை அணியின் பங்காளராக போட்டிகளில் பங்கேற்கிறார். 2007ஆம் ஆண்டில் அல்ஜியர்சில் நடந்த அனைத்து ஆபிரிக்க விளையாட்டுக்களில் கென்யாவின் சார்பாளராக பங்கேற்று வெங்கலப் பதக்கம் வென்றார். 2008-ஆம் ஆண்டுமுதல் பிரிட்டிசு உரிமத்துடன் பந்தயப் போட்டிகளில் பங்கேற்று வருகிறார். இலண்டனில் நடந்த 2012 ஒலிம்பிக் விளையாட்டுக்களில் பெரிய பிரித்தானியாவிற்காக பங்கேற்று வெங்கலப் பதக்கம் வென்றார். 2013, 2015, 2016 மற்றும் 2017-ஆம் ஆண்டுகளின் தூர் த பிரான்சு போட்டிகளை வென்றுள்ளார்.

மேற்சான்றுகள்

1. ↑ "Bio". Archived from the original on 2013-07-23. பார்க்கப்பட்ட நாள் 2013-07-24.
2. ↑ Fotheringham, William (23 July 2017). "Chris Froome wins fourth Tour de France after Champs Élysées procession". The Guardian. https://www.theguardian.com/sport/2017/jul/23/chris-froome-wins-fourth-tour-de-france.