ᱜᱩᱡᱽᱨᱟᱴ | ||
---|---|---|
ᱯᱚᱱᱚᱛ | ||
| ||
ᱥᱤᱧᱚᱛ ᱨᱮ ᱜᱩᱡᱽᱨᱟᱴ ᱨᱮᱱᱟᱜ ᱴᱷᱟᱶ | ||
Coordinates (ᱜᱟᱱᱫᱷᱤᱱᱚᱜᱚᱨ): 23°13′N 72°41′E / 23.217°N 72.683°ECoordinates: 23°13′N 72°41′E / 23.217°N 72.683°E | ||
ᱫᱤᱥᱚᱢ | ᱥᱤᱧᱚᱛ | |
ᱵᱮᱱᱟᱣ | ᱑ ᱢᱮ ᱑᱙᱖᱐† | |
ᱨᱟᱡᱽᱜᱟᱲ | ᱜᱟᱱᱫᱷᱤᱱᱚᱜᱚᱨ | |
ᱢᱟᱨᱟᱝ ᱱᱟᱜᱟᱨ | ᱚᱦᱢᱚᱫᱟᱵᱟᱫᱽ | |
ᱦᱚᱱᱚᱛ | ᱓᱓ | |
ᱥᱚᱨᱠᱟᱨ | ||
• ᱯᱚᱱᱚᱛ ᱜᱚᱢᱠᱮ | ᱚᱢ ᱯᱨᱚᱟᱥ ᱚᱦᱞᱤ | |
• ᱥᱤᱨᱟᱹ ᱢᱚᱱᱛᱨᱤ | ᱵᱷᱩᱯᱮᱱᱫᱨᱚᱵᱷᱟᱭ ᱯᱟᱴᱮᱞ | |
• ᱩᱥᱩᱞ ᱱᱟᱭᱜᱟᱲ | ᱜᱩᱡᱽᱨᱟᱴ ᱦᱟᱭᱠᱚᱨᱴ | |
ᱮᱨᱤᱭᱟ | ||
• ᱞᱮᱠᱷᱟᱜᱩᱴ | 196024 ᱠᱤᱢᱤ২ (75685 ᱜᱟᱺᱴ ᱢᱟᱭᱤᱞ) | |
ᱮᱨᱤᱭᱟ ᱨᱮᱸᱠ | ᱕ | |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) | |
• ᱞᱮᱠᱷᱟᱜᱩᱴ | ᱖᱐,᱓᱘᱓,᱖᱒᱘ | |
• ᱫᱷᱟᱹᱲ ᱮᱞ | ᱙ | |
• ᱰᱮᱱᱥᱤᱴᱤ | 308/ᱠᱤᱢᱤ2 (800/ᱜᱟᱺᱴ ᱢᱟᱹᱭᱤᱞ) | |
Demonym(s) | ᱜᱩᱡᱽᱨᱟᱴᱤ | |
ᱡᱤᱰᱤᱯᱤ (2018–19)[᱑][᱒] | ||
ᱯᱟᱹᱨᱥᱤ | ||
• ᱥᱚᱨᱠᱟᱨᱤ | ᱵᱚᱢᱵᱮ ᱜᱚᱲᱦᱚᱱ ᱨᱤᱛ ᱑᱙᱖᱐[᱓] | |
• ᱮᱴᱟᱜᱟᱜ ᱥᱚᱨᱠᱟᱨᱤ | ᱦᱤᱱᱫᱤ[᱔] | |
ᱜᱟᱹᱰᱤ ᱨᱤᱡᱤᱥᱴᱨᱤ | GJ |
ᱜᱩᱡᱽᱨᱟᱴ / ᱜᱩᱡᱽᱨᱟᱛ ᱫᱚ ᱥᱤᱧᱚᱛ ᱨᱮᱱᱟᱜ ᱢᱤᱫ ᱯᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱯᱟᱪᱮ ᱥᱮᱦᱮᱫ[᱗] ᱟᱨ ᱠᱚᱧᱮ ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ[᱘][᱙] ᱾ ᱱᱚᱶᱟ ᱫᱚ ᱥᱟᱹᱢᱩᱸᱫᱽ ᱚᱛ ᱠᱷᱚᱱ ᱑,᱖᱐᱐ ᱠᱤᱢᱤ ᱠᱷᱚᱱ ᱪᱮᱛᱟᱱ ᱨᱮ ᱢᱮᱱᱟᱜᱼᱟ, ᱱᱚᱶᱟ ᱨᱮᱱᱟᱜ ᱵᱟᱹᱲᱛᱤ ᱜᱟᱱ ᱴᱷᱟᱣ ᱫᱚ ᱠᱟᱴᱷᱤᱣᱟᱰ ᱰᱷᱤᱯ ᱨᱮ ᱢᱮᱱᱟᱜᱼᱟ ᱾ ᱜᱩᱡᱽᱨᱟᱴ ᱨᱮ ᱞᱮᱠᱷᱟᱜᱩᱴ ᱖᱐ ᱢᱤᱞᱤᱭᱚᱱ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱥᱤᱧᱚᱛ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱨᱮ ᱟᱨᱚᱵᱽ ᱥᱟᱹᱢᱩᱸᱫᱽ, ᱮᱛᱚᱢ ᱨᱮ ᱥᱤᱱᱫᱷ (ᱯᱟᱠᱤᱥᱛᱟᱱ), ᱮᱛᱚᱢ ᱥᱟᱢᱟᱝ ᱨᱟᱡᱚᱥᱛᱷᱟᱱ, ᱥᱟᱢᱟᱝ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱟᱨ ᱠᱚᱧᱮ ᱥᱟᱢᱟᱝ ᱨᱮ ᱢᱟᱦᱟᱨᱟᱥᱴᱨᱚ ᱯᱚᱱᱚᱛ ᱮᱢᱟᱱ ᱠᱚ ᱢᱮᱱᱟᱜᱼᱟ ᱾ ᱜᱩᱡᱽᱨᱟᱴ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱦᱩᱭᱩᱜ ᱠᱟᱱᱟ ᱜᱟᱱᱫᱷᱤᱱᱚᱜᱚᱨ ᱾ ᱚᱦᱢᱚᱫᱟᱵᱟᱫᱽ ᱫᱚ ᱜᱩᱡᱽᱨᱟᱴ ᱨᱮᱱᱟᱜ ᱢᱤᱫ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾[᱑᱐]
ᱜᱩᱡᱽᱨᱟᱴ ᱨᱮᱱᱟᱜ ᱧᱩᱛᱩᱢ ᱫᱚ "ᱜᱩᱡᱽᱡᱚᱨ" ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱥᱤᱧᱚᱛ ᱨᱮ ᱜᱩᱡᱽᱨᱟᱴᱤ ᱦᱚᱲ ᱫᱚ ᱢᱟᱨᱮ ᱠᱷᱚᱱ ᱜᱮ ᱢᱮᱱᱟᱜ ᱠᱚᱣᱟ ᱾ ᱜᱩᱡᱽᱨᱟᱴ ᱨᱮᱱᱟᱜ ᱠᱟᱹᱣᱰᱤ ᱟᱹᱨᱤ ᱥᱤᱧᱚᱛ ᱨᱮᱱᱟᱜ ᱛᱮᱥᱟᱨ ᱵᱟᱹᱲᱛᱤ ᱠᱷᱟᱡᱽᱱᱟ ᱟᱨᱡᱟᱣ ᱠᱟᱱᱟ ᱜᱷᱟᱨᱚᱡᱽ ᱡᱟᱭ ᱟᱨ ᱦᱚᱲ ᱯᱤᱪᱷᱤ ᱡᱤᱰᱤᱯᱤ ᱨᱮ ᱾[᱑][᱒] ᱢᱟᱨᱮ ᱥᱤᱱᱫᱷᱩ ᱩᱯᱚᱛᱭᱟᱠᱟ ᱨᱮᱱᱟᱜ ᱛᱤᱢᱤᱱ ᱜᱟᱱ ᱴᱷᱟᱶ ᱱᱚᱶᱟ ᱨᱮ ᱥᱮᱞᱮᱫ ᱢᱮᱱᱟᱜᱼᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱞᱚᱛᱷᱟᱞ, ᱫᱷᱚᱞᱵᱤᱨ ᱟᱨ ᱜᱚᱞᱟ ᱫᱷᱚᱨᱟ ᱾ ᱞᱚᱛᱷᱟᱞ ᱫᱚ ᱡᱮᱜᱮᱛ ᱨᱮᱱᱟᱜ ᱯᱩᱭᱞᱩ ᱞᱟᱹᱣᱠᱟᱹ ᱜᱷᱟᱴ ᱠᱟᱱᱟ ᱢᱮᱱᱛᱮ ᱠᱚ ᱯᱟᱹᱛᱭᱟᱹᱣᱟ ᱾
ᱥᱤᱧᱚᱛ ᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱯᱚᱱᱚᱛ ᱨᱮ ᱖᱐,᱓᱘᱓,᱖᱒᱘ ᱜᱚᱴᱟᱝ ᱦᱚᱲ ᱠᱚ ᱜᱤᱨᱟᱹ ᱵᱟᱥ ᱟᱠᱟᱱᱟ ᱾ (᱓᱑,᱔᱙᱑,᱒᱖᱐ ᱫᱚ ᱠᱚᱲᱟ ᱦᱚᱯᱚᱱ ᱟᱨ ᱒᱘,᱙᱔᱘,᱔᱓᱒ ᱫᱚ ᱠᱩᱲᱤ ᱦᱚᱯᱚᱱ ᱠᱟᱱᱟ ᱠᱚ) ᱾ ᱰᱮᱱᱥᱤᱴᱤ ᱢᱮᱱᱫᱚ ᱢᱤᱫ ᱤᱥᱠᱚᱭᱟᱨ ᱠᱤᱞᱚᱢᱤᱴᱚᱨ ᱨᱮ ᱙᱑᱘ ᱜᱚᱴᱟᱝ ᱦᱚᱲ ᱚᱛᱱᱚ ᱞᱮᱠᱟᱛᱮᱠᱚ ᱦᱟᱹᱴᱤᱧ ᱧᱟᱢᱚᱜᱼᱟ ᱾ ᱡᱟᱱᱟᱝ ᱨᱮᱥᱤᱳ, ᱑᱐᱐᱐ ᱠᱚᱲᱟ ᱦᱚᱯᱚᱱ ᱠᱚ ᱢᱩᱫᱽ ᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱮᱞᱮᱞ ᱫᱚ ᱙᱑᱘ ᱦᱚᱲ ᱟᱨ ᱥᱟᱱᱟᱢ ᱦᱚᱲ ᱠᱚᱣᱟᱜ ᱥᱮᱪᱮᱫ ᱫᱚᱨ ᱫᱚ ᱕᱖.᱖ % ᱾ ᱯᱚᱱᱚᱛ ᱨᱮ ᱟᱭᱢᱟ ᱫᱷᱚᱨᱚᱢ ᱢᱟᱱᱚᱛ ᱮᱫ ᱦᱚᱲ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾
ᱫᱷᱚᱨᱚᱢ ᱒᱐᱑᱑ ᱦᱚᱲ ᱞᱮᱠᱷᱟ ᱠᱷᱚᱱ ᱵᱟᱰᱟᱭ ᱟᱠᱟᱱᱟ ᱾ ᱤᱥᱟᱹᱭ ᱠᱚᱫᱚ ᱐.᱕%, ᱢᱩᱥᱞᱤᱢ ᱠᱚᱫᱚ ᱙.᱗%, ᱦᱤᱱᱫᱩ ᱠᱚᱫᱚ ᱘᱘.᱖%, ᱵᱚᱣᱫᱷᱤ ᱠᱚᱫᱚ ᱐.᱐᱕%, ᱥᱤᱠᱷ ᱠᱚ ᱐.᱑%,ᱮᱴᱟᱜ ᱠᱚᱫᱚ ᱐.᱐᱓% ᱢᱮᱱᱟᱜ ᱠᱚᱣᱟ ᱾ ᱵᱟᱫᱽ ᱵᱟᱹᱠᱤᱭᱟᱱ ᱐.᱑% ᱫᱚ ᱟᱠᱚᱣᱟᱜ ᱫᱷᱚᱨᱚᱢ ᱵᱟᱝ ᱠᱚ ᱪᱷᱟᱹᱴᱭᱟᱹᱨ ᱟᱠᱟᱫᱟ ᱾ ᱯᱚᱱᱚᱛ ᱨᱮ ᱦᱤᱱᱫᱩ ᱫᱷᱚᱨᱚᱢ ᱨᱤᱱ ᱦᱚᱲ ᱵᱤᱥᱛᱤᱭᱟᱠᱚ, ᱢᱩᱥᱞᱤᱢ ᱠᱚᱣᱟᱜ ᱠᱚᱫᱚ ᱫᱚᱥᱟᱨ ᱛᱷᱟᱨ ᱨᱮ ᱢᱮᱱᱟᱜ ᱠᱚᱣᱟ ᱾
ᱜᱩᱡᱽᱨᱟᱴᱤ ᱫᱚ ᱱᱚᱸᱰᱮᱱᱟᱜ ᱯᱩᱭᱞᱩ ᱨᱟᱡᱽ ᱯᱟᱹᱨᱤ ᱠᱟᱱᱟ, ᱡᱟᱦᱟᱸ ᱫᱚ ᱘᱖% ᱦᱚᱲᱠᱚ ᱨᱚᱲᱟ (᱒᱐᱑᱑ ᱥᱩᱫᱷᱟᱹ) ᱾ ᱒᱐᱐᱑ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱵᱷᱤᱞᱤ - ᱔.᱘%, ᱦᱤᱱᱫᱤ - ᱔.᱗ %, ᱥᱤᱱᱫᱷᱤ - ᱑.᱙%, ᱢᱚᱨᱟᱴᱷᱤ - ᱑.᱕%, ᱩᱨᱫᱷᱩ - ᱑.᱑% ᱟᱠᱚᱣᱟᱜ ᱯᱩᱭᱞᱩ ᱟᱲᱟᱝ ᱞᱮᱠᱟᱛᱮᱠᱚ ᱨᱚᱲ ᱮᱫᱟ ᱾ ᱟᱥᱲᱟ ᱠᱚᱨᱮ ᱛᱨᱤ-ᱵᱷᱟᱹᱥᱤ ᱯᱷᱚᱨᱢᱩᱞᱟ ᱛᱮ ᱯᱚᱲᱦᱚᱱᱚᱜ ᱠᱟᱱ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱾ ᱯᱩᱭᱞᱩ ᱯᱟᱹᱨᱥᱤ - ᱜᱩᱡᱽᱨᱟᱛᱤ/ᱢᱚᱨᱟᱴᱷᱤ/ᱦᱤᱱᱫᱤ/ᱤᱸᱜᱽᱞᱤᱥ/ᱩᱨᱫᱩ ᱫᱚᱥᱟᱨ ᱯᱟᱹᱨᱥᱤ - ᱜᱩᱡᱽᱨᱟᱴᱤ/ᱤᱸᱜᱽᱞᱤᱥ ᱛᱮᱥᱟᱨ ᱯᱟᱹᱨᱥᱤ - ᱦᱤᱱᱫᱤ ᱾
ᱱᱚᱣᱟ ᱫᱚ ᱜᱩᱡᱽᱨᱟᱴᱤ ᱦᱚᱲ ᱠᱚᱣᱟᱜ ᱚᱲᱟᱜ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱡᱟᱱᱟᱱ ᱴᱷᱟᱶ ᱦᱚᱸ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱵᱨᱤᱴᱤᱥ ᱥᱟᱥᱚᱱ ᱵᱤᱨᱚᱫᱷ ᱨᱮ ᱚᱥᱤᱝᱥᱟᱹ ᱞᱟᱹᱲᱦᱟᱹᱭ ᱮᱛᱚᱦᱚᱵ ᱞᱮᱫᱟ ᱾ ᱥᱚᱨᱫᱟᱨ ᱵᱚᱞᱞᱚᱵᱷᱟᱭ ᱯᱚᱴᱮᱞ ᱦᱚᱸ ᱱᱚᱣᱟ ᱴᱷᱟᱶ ᱨᱮᱜᱮ ᱡᱟᱱᱟᱢ ᱞᱮᱱᱟᱭ, ᱟᱹᱯᱱᱟᱹᱛ ᱵᱷᱟᱨᱚᱛ ᱨᱤᱱ ᱠᱷᱟᱢ ᱠᱷᱩᱱᱴᱩᱭ ᱛᱟᱦᱮᱸ ᱠᱟᱱᱟ ᱾
{{cite web}}
: Unknown parameter |deadurl=
ignored (help)
ᱥᱤᱸᱫᱷ, ᱯᱟᱠᱤᱥᱛᱟᱱ | ᱨᱟᱡᱚᱥᱛᱷᱟᱱ | ᱨᱟᱡᱚᱥᱛᱷᱟᱱ | ||
ᱟᱨᱚᱵᱽ ᱫᱚᱨᱭᱟ | ᱢᱚᱫᱷᱭᱚ ᱯᱨᱚᱫᱮᱥ | |||
ᱜᱩᱡᱽᱨᱟᱴ | ||||
ᱟᱨᱚᱵᱽ ᱫᱚᱨᱭᱟ | ᱟᱨᱚᱵᱽ ᱫᱚᱨᱭᱟ ᱢᱚᱦᱟᱨᱟᱥᱴᱨᱚ |
ᱫᱟᱢᱟᱱ ᱟᱨ ᱫᱤᱭᱩ ᱫᱟᱫᱽᱨᱟ ᱟᱨ ᱱᱚᱜᱚᱨ ᱦᱚᱵᱮᱞᱤ ᱢᱚᱦᱟᱨᱟᱥᱴᱨᱚ |