ಅಭಿಷೇಕ್ ಬಚ್ಚನ್ | |
---|---|
Born | ೧೯೭೬-೨-೦೫ |
Occupation | ನಟ |
Years active | ೨೦೦೦- ಈವರೆಗೆ |
Spouse | ಐಶ್ವರ್ಯ ರೈ (೨೦೦೭ - ಈವರೆಗೆ) |
ಅಭಿಷೇಕ್ ಬಚ್ಚನ್ (ಹಿಂದಿ:अभिषेक बच्चन, ೫ ಫೆಬ್ರವರಿ ೧೯೭೬ ರಲ್ಲಿ ಮಹಾರಾಷ್ಟ್ರದ, ಮುಂಬಯಿನಲ್ಲಿ ಜನನ) ಅವರು ಒಬ್ಬ ಭಾರತೀಯ ನಟ ಮತ್ತು ನಿರ್ಮಾಪಕ ಹಾಗೂ ಭಾರತೀಯ ಚಲನಚಿತ್ರ ರಂಗದ ಹೆಸರಾಂತ ನಟ ಅಮಿತಾಬ್ ಬಚ್ಚನ್ ಮತ್ತು ನಟಿ ಜಯ ಬಚ್ಚನ್ ಅವರ ಮಗ. ಅವರು ನಟಿ ಮತ್ತು ಮಾಜಿ ವಿಶ್ವ ಸುಂದರಿ ಐಶ್ವರ್ಯ ರೈ ಅವರನ್ನು ವಿವಾಹವಾಗಿದ್ದಾರೆ. ಜೆ.ಪಿ. ದತ್ತ ಅವರ ರೆಫ್ಯೂಜಿ (೨೦೦೦) ಚಿತ್ರದಲ್ಲಿ ನಟಿಸುವ ಮೂಲಕ ಬಚ್ಚನ್ ಚಲನಚಿತ್ರರಂಗ ಪ್ರವೇಶ ಮಾಡಿದರು. ೨೦೦೪ರಲ್ಲಿ, ಅವರು ಧೂಮ್ ಮತ್ತು ಯುವ ಗಳಲ್ಲಿ ಕಾಣಿಸಿಕೊಂಡರು. ಯುವ ದಲ್ಲಿನ ಅವರ ಕಾರ್ಯ ಅನೇಕ ಪ್ರಶಸ್ತಿಗಳನ್ನು ಪಡೆಯಿತು, ಇವು ಅವರು ಮುಂದಿನ ಎರಡು ವರ್ಷಗಳಿಗೆ ಪಡೆಯಬಹುದಾದ, ಉತ್ತಮ ಪೋಷಕ ನಟ ವರ್ಗದಲ್ಲಿನ ಅವರ ಮೊದಲ ಫಿಲ್ಮ್ಫೇರ್ ಪ್ರಶಸ್ತಿಯನ್ನು ಒಳಗೊಂಡಿದ್ದವು. ೨೦೧೦ರಲ್ಲಿ, ಅವರು ಹಿಂದಿಯ ಅತ್ಯುತ್ತಮ ಫೀಚರ್ ಫಿಲ್ಮ್ ಪ್ರಶಸ್ತಿಯನ್ನು ಪಡೆದ ಪಾ ಚಿತ್ರಕ್ಕಾಗಿ ತಮ್ಮ ಮೊದಲ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನು (ನಿರ್ಮಾಪಕರಾಗಿ) ಪಡೆದುಕೊಂಡರು.[೧]
ಅಭಿಷೇಕ್ ಬಚ್ಚನ್ ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ ಮತ್ತು ನಟಿ ಜಯ ಬಚ್ಚನ್ರ ಮಗ; ಅವರ ಹಿರಿಯ ಸಹೋದರಿ ಶ್ವೇತ. ಬಚ್ಚನ್ ಎಂಬುದು ಇವರ ತಾತ ಕವಿ ಹರಿವಂಶ ರಾಯ್ ಶ್ರೀವಾಸ್ತವ್ ರವರ ಕಾವ್ಯ ನಾಮ. ತಂದೆ ಅಮಿತಾಬ್ ಬಚ್ಚನ್ ಚಲನಚಿತ್ರ ರಂಗ ಪ್ರವೇಶಿಸಿದಾಗ ಅವರು ತಮ್ಮ ತಂದೆಯ ಕಾವ್ಯ ನಾಮದಡಿಯಲ್ಲೇ ಅಭಿನಯಿಸಿದರು. ಅವರ ಅಜ್ಜಿ ತೇಜಿ ಕಡೆಯ ಪಂಜಾಬಿ ಸಿಖ್, ಹಾಗು ಅವರ ತಾಯಿ ಜಯ ಬಚ್ಚನ್ ಬೆಂಗಾಲಿ ಕುಲಿನ್ ಬ್ರಾಹ್ಮಣ ವಂಶದವರಾಗಿದ್ದಾರೆ. ಬಚ್ಚನ್ ಮಗುವಾಗಿದ್ದಾಗ ಪದಾಂಧತೆಯನ್ನು ಹೊಂದಿದ್ದರು.[೨] ಅವರು ಜಮುನಭಾಯ್ ನರ್ಸೀ ಸ್ಕೂಲ್ ಮತ್ತು ಮುಂಬಯಿಯಲ್ಲಿನ ಬಾಂಬೆ ಸ್ಕಾಟಿಷ್ ಸ್ಕೂಲ್, ಮಾಡರ್ನ್ ಸ್ಕೂಲ್, ವಸಂತ್ ವಿಹಾರ್, ನ್ಯೂ ಡೆಲ್ಲಿ, ಮತ್ತು ಸ್ವಿಟ್ಜರ್ಲ್ಯಾಂಡ್ನಲ್ಲಿನ ಐಗ್ಲೋನ್ ಕಾಲೇಜ್ಗಳಲ್ಲಿ ಅಭ್ಯಾಸವನ್ನು ಮಾಡಿದ್ದರು. ನಂತರ ಅವರು ಬೋಸ್ಟನ್ ವಿಶ್ವವಿದ್ಯಾಲಯದಲ್ಲಿ ಅಭ್ಯಾಸವನ್ನು ಮುಂದುವರೆಸಲು ಯು.ಎಸ್.ಗೆ ತೆರಳಿದ್ದರು.
ಬಚ್ಚನ್ ಜೆ.ಪಿ. ದತ್ತಾರವರ ರೆಫ್ಯೂಜಿ (೨೦೦೦)ಯೊಂದಿಗೆ ವೃತ್ತಿ ಜೀವನವನ್ನು ಆರಂಭಿಸಿದರು. ಬಚ್ಚನ್ ಹೆಚ್ಚಿನ ಸಾಧನೆಯಿಲ್ಲದೆ, ಕುಚ್ ನ ಕಹೋ ಮತ್ತು ಬಸ್ ಇತ್ನಾ ಸ ಕ್ವಾಬ್ ಹೈ ಸೇರಿ, ಇತರ ಚಲನಚಿತ್ರಗಳನ್ನು ಮಾಡುವುದನ್ನು ಮುಂದುವರೆಸಿದರು.[೩] ಅಭಿಷೇಕ್ ೧೭ ಹೆಚ್ಚಿನ ಜನಾಧರಣೆಯನ್ನು ಪಡೆಯದ ಚಿತ್ರಗಳ ಸರಣಿಯನ್ನು ನೀಡಿದ್ದರು[೪] ಆದರೆ ಮೆ ಪ್ರೇಮ್ ಕಿ ದಿವಾನಿ ಹೂ (೨೦೦೩)[೩][೫] ಮತ್ತು ಮಣಿ ರತ್ನಂ ಅವರ ಯುವ (೨೦೦೪) ಚಿತ್ರದಲ್ಲಿನ ಅವರ ಅಭಿನಯಗಳು ನಟನಾಗಿ ಅವರ ಸಾಮರ್ಥ್ಯವನ್ನು ದೃಢಪಡಿಸಿದವು.[೬] ಅದೇ ವರ್ಷ, ಅವರು ಧೂಮ್ ನಲ್ಲಿ ನಟನಾಗಿ ಮಿಂಚಿದರು, ಅದು ಅವರ ಮೊದಲ ಬಾರಿಗೆ ಆರ್ಥಿಕವಾಗಿ ಸಾಧನೆ ಹೊಂದಿದ್ದ ಚಿತ್ರವಾಗಿತ್ತು.[೩] ೨೦೦೫ರಲ್ಲಿ, ಬಚ್ಚನ್ ಅತ್ಯಂತ ಲಾಭದಾಯಕ ಸಾಧನೆಯನ್ನು ಮಾಡಿದ ನಾಲ್ಕು ಚಲನಚಿತ್ರಗಳೊಂದಿಗೆ ಪ್ರಖ್ಯಾತಿಯಾದರು: ಬಂಟಿ ಔರ್ ಬಬ್ಲಿ , ಸರ್ಕಾರ್ , ದಸ್ , ಮತ್ತು ಬ್ಲಫ್ಮಾಸ್ಟರ್ ; ಮೊದಲನೆಯದು ಆ ವರ್ಷದ ಅತ್ಯಂತ-ಹೆಚ್ಚಿನ ಗಳಿಕೆಯನ್ನು ಸಾಧಿಸಿದ ಚಿತ್ರಗಳಲ್ಲಿ ಒಂದಾಗಿತ್ತು, ಮತ್ತು ಇತರ ಮೂರು ಉತ್ತಮ ಸಾಧನೆಯನ್ನು ಮಾಡಿದ್ದವು.[೭] ಅವರು ಸರ್ಕಾರ್ ಚಿತ್ರಕ್ಕಾಗಿ ಉತ್ತಮ ಪೋಷಕ ನಟನ ಸಾಲಿನ ಅವರ ಎರಡನೆಯ ಫಿಲ್ಮ್ಫೇರ್ ಪ್ರಶಸ್ತಿಯನ್ನು ಗೆದ್ದಿದ್ದರು. ಬಚ್ಚನ್ ಉತ್ತಮ ನಟನ ವರ್ಗದ ಅವರ ಮೊದಲ ಫಿಲ್ಮ್ಫೇರ್ ನಾಮನಿರ್ದೇಶನವನ್ನು ಸಹ ಪಡೆದುಕೊಂಡಿದ್ದರು. ಬಚ್ಚನ್ರ ೨೦೦೬ರಲ್ಲಿನ ಮೊದಲ ಚಲನಚಿತ್ರ ಬಿಡುಗಡೆಯು ಕಭಿ ಅಲ್ವಿದ ನಾ ಕೆಹನಾ ಆಗಿದ್ದು, ಇದು ಆ ವರ್ಷದ ಭಾರತದ ಅತ್ಯಂತ-ಹೆಚ್ಚಿನ ಗಳಿಕೆಯ ಚಿತ್ರವಾಗಿತ್ತು.[೮] ಅವರು ರಿಷಿ ತಲ್ವಾರ್ನ ಪಾತ್ರವನ್ನು ಮಾಡಿದ್ದರು, ಇವನು ನ್ಯೂ ಯಾರ್ಕ್ನಲ್ಲಿ ವಾಸಿಸುತ್ತಿದ್ದ ಒಬ್ಬ ತರುಣನಾಗಿರುತ್ತಾನೆ ಮತ್ತು ಅವನ ಪತ್ನಿಯು ಮತ್ತೊಬ್ಬ ಪುರುಷನೊಂದಿಗೆ ಅನೈತಿಕ ಸಂಬಂಧವನ್ನು ಹೊಂದಿರುತ್ತಾಳೆ. ಈ ಚಲನಚಿತ್ರದಲ್ಲಿನ ಅವರ ಅಭಿನಯವು ಫಿಲ್ಮ್ಫೇರ್ ಪ್ರಶಸ್ತಿಗಳಲ್ಲಿ ಮೂರನೆಯ ಉತ್ತಮ ಪೋಷಕ ನಟನ ಪ್ರಶಸ್ತಿಯನ್ನು ತಂದುಕೊಟ್ಟಿತು. ಮಣಿ ರತ್ನಂರ ವೇಧಿಕಾ ಪ್ರದರ್ಶನ, ನೆತ್ರು, ಇಂದ್ರು, ನಾಲೈ ನಲ್ಲಿ, ಅನೇಕ ಇತರ ಸಹ-ನಟರೊಂದಿಗೆ ಇವರು ಸಹ ಭಾಗಿಯಾಗಿದ್ದರು. ಬಚ್ಚನ್ರ ಎರಡನೆಯ ಬಿಡುಗಡೆಯಾದ ಉಮ್ರಾವ್ ಜಾನ್ ಉತ್ತಮ ಸಾಧನೆಯನ್ನು ಮಾಡುವಲ್ಲಿ ವಿಫಲವಾಯಿತು, ಆದರೆ ಅದೇ ವರ್ಷ ಬಿಡುಗಡೆಯಾದ ಅವರ ಮೂರನೆಯ ಚಿತ್ರ, ಧೂಮ್ನ ಮುಂದುವರೆದ ಭಾಗವಾದ ಧೂಮ್ ೨ ಉತ್ತಮ ಸಾಧನೆಯನ್ನು ಗಳಿಸಿತ್ತು-ಅದಾಗ್ಯೂ, ಮೊದಲನೆಯ ಧೂಮ್ ನಲ್ಲಿನ ಮಾದರಿಯಲ್ಲಿ, ಪ್ರತಿಸ್ಪರ್ಧಿಯಾಗಿ, ಹೃತಿಕ್ ರೋಷನ್, ಪ್ರದರ್ಶನವನ್ನು ಅಪಹರಿಸಿದರು ಎಂಬ ವಿಮರ್ಶಕಗಳನ್ನು ಕಾಣಲಾಯಿತು.[೯] ೨೦೦೭ರಲ್ಲಿ, ಬಚ್ಚನ್ ಗುರು ಚಿತ್ರದಲ್ಲಿ ಅಭಿನಯಿಸಿದರು, ಅದರಲ್ಲಿನ ಅವರ ಅಭಿನಯಕ್ಕಾಗಿ ಹೆಚ್ಚಿನ ಅಭಿನಂದನೆಯನ್ನು ಪಡೆದುಕೊಂಡಿದ್ದರು, ಮತ್ತು ಆ ಚಿತ್ರವು ಅವರ ಒಂಟಿ ಸಾಧನೆಯಾಗಿ ಹೊರಹೊಮ್ಮಿತು.[೧೦] ಮೇ ೨೦೦೭ರಲ್ಲಿ, ಅತ್ಯಂತ ಸಾಧನೆಯನ್ನು ಕಂಡ ಷೂಟ್ಔಟ್ ಅಟ್ ಲೋಖಾಂದ್ವಾಲಾ ದಲ್ಲಿ ಅವರು ಕ್ಷಣ ಕಾಲ ಮಾತ್ರ ಕಾಣಿಸಿಕೊಂಡಿದ್ದರು.[೧೧] ಅವರ ಮುಂದಿನ ಬಿಡುಗಡೆ, ಜೂಮ್ ಬರಾಬರ್ ಜೂಮ್ , ಜೂನ್ ೨೦೦೭ರಲ್ಲಿ ಬಿಡುಗಡೆಯಾಗಿತ್ತು, ಇದು ಭಾರತದಲ್ಲಿ ಉತ್ತಮ ಸಾಧನೆಯನ್ನು ಗಳಿಸುವಲ್ಲಿ ವಿಫಲವಾಗಿತ್ತು[೧೨], ಆದರೆ ವಿದೇಶದಲ್ಲಿ ಉತ್ತಮ ಸಾಧನೆಯನ್ನು ಕಂಡಿತು, ಮುಖ್ಯವಾಗಿ UKನಲ್ಲಿ.[೧೩] ಚಲನಚಿತ್ರ ಮಿಶ್ರ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿತ್ತಾದರೂ, ಬಚ್ಚನ್ ಅವರ ಅಭಿನಯಕ್ಕಾಗಿ ಪ್ರಶಂಸೆಗಳನ್ನು ಗಳಿಸಿದ್ದರು.[೧೪] ೨೦೦೮ರ ಬೇಸಿಗೆಯಲ್ಲಿ, ಬಚ್ಚನ್, ಅವರ ಪತ್ನಿ, ಅವರ ತಂದೆ, ಮತ್ತು ಸಹ ನಟ ನಟಿಯರಾದ ಪ್ರೀತಿ ಝಿಂತ, ರಿತೆಷ್ ದೇಷ್ಮುಖ್, ಮತ್ತು ಮಾಧುರಿ ದೀಕ್ಷಿತ್ "ಅನ್ಫರ್ಗೆಟೇಬಲ್ ವರ್ಲ್ಡ್ ಟೂರ್" ಎನ್ನುವ ವೇದಿಕೆ ನಿರ್ಮಾಣದಲ್ಲಿ ಅಭಿನಯಿಸಿದ್ದರು. ಯು.ಎಸ್, ಕೆನಡ, ಟ್ರಿನಿದದ್, ಮತ್ತು ಲಂಡನ್, ಇಂಗ್ಲೆಂಡ್ನಲ್ಲಿ ಪ್ರಾರಂಭ ಮಾಡಲಾಯಿತು ಬಚ್ಚನ್ ಅವರ ತಂದೆಯ ಸಂಸ್ಥೆಯ ಕಾರ್ಯಚಟುವಟಿಕೆ ಮತ್ತು ಆಡಳಿತ ವ್ಯವಹಾರಗಳಲ್ಲಿ ಸಹ ಭಾಗಿಯಾಗುತ್ತಾರೆ, ಈ ಸಂಸ್ಥೆಯು ಮೂಲತಃ ಎಬಿಸಿಎಲ್ ಎಂದು ಗುರುತಿಸಲಾಗುತ್ತಿದ್ದು, ಇದಕ್ಕೆ ಎಬಿ ಕಾರ್ಪ್. ಎಲ್ಟಿಡಿ ಎಂದು ಮರು ನಾಮಕರಣ ಮಾಡಲಾಯಿತು, ಈ ಸಂಸ್ಥೆಯು ವಿಝ್ಕ್ರಾಫ್ಟ್ ಇಂಟರ್ನ್ಯಾಷನಲ್ ಎಂಟರ್ಟೈನ್ಮೆಂಟ್ ಪ್ರೈವೇಟ್ ಲಿಮಿಟೆಡ್ ಸಂಸ್ಥೆಯೊಂದಿಗೆ ಸೇರಿ ಮರೆಯಲಾಗದ ಅನೇಕ ಉತ್ತಮ ಚಿತ್ರಗಳನ್ನು ನಿರ್ಮಿಸಿತು.[೧೫] ಬಚ್ಚನ್ರ ೨೦೦೮ರ ಚಿತ್ರಗಳಲ್ಲಿ ಸರ್ಕಾರ್ ರಾಜ್ , ದೋಸ್ತಾನ ಮತ್ತು ದ್ರೋಣ ಸೇರಿವೆ. ಅವರ ಕುಟುಂಬದ ಸಂಸ್ಥೆಯಾದ ಎಬಿ ಕಾರ್ಪ್. ಲಿಮಿಟೆಡ್ಗಾಗಿ ಬಚ್ಚನ್ ಹಿಂದಿ ಚಲನಚಿತ್ರ ಪಾ ನಿರ್ಮಾಣವನ್ನು ಮಾಡಿದರು, ಅದರಲ್ಲಿ ಅವರು ತಮ್ಮ ತಂದೆ ಅಮಿತಾಬ್ ಬಚ್ಚನ್ರ ತಂದೆಯ ಪಾತ್ರದಲ್ಲಿ ಅಭಿನಯಿಸಿದ್ದರು.[೧೬] ಜನವರಿ ೨೦೧೦ರಲ್ಲಿ, ಬಚ್ಚನ್ ನ್ಯಾಷನಲ್ ಬಿಂಗೊ ನೈಟ್ ಹೆಸರಿನ ಆಟದ ಪ್ರದರ್ಶನದ ನಿರೂಪಣೆಯನ್ನು ಮಾಡಿದರು.[೧೭][೧೮] ಪ್ರಥಮ ಎಪಿಸೋಡ್ ಟಿವಿಆರ್ ರೇಟಿಂಗ್ಸ್ನಲ್ಲಿ ೩.೫ ಗಳಿಸಿತು.[೧೯] ೨೦೧೦ರಲ್ಲಿ, ಅವರು ರಾವಣ ಚಿತ್ರದಲ್ಲಿ ಅವರ ಪತ್ನಿ ಐಶ್ವರ್ಯ ರೈ ಬಚ್ಚನ್ ರವರಿಗೆ ವ್ಯತಿರಿಕ್ತವಾಗಿ ಅಭಿನಯಿಸಿದರು. ಈ ಚಲನಚಿತ್ರ "ಅತ್ಯುತ್ತಮ ಅಭಿನಯವನ್ನು" ಹೊಂದಿದೆ ಎಂದು ರೆಡಿಫ್ ಹೇಳಿದೆ.[೨೦][೨೧] ಐದು ವಾರಗಳ ಪ್ರದರ್ಶನದೊಂದಿದೆ ೩೮.೫೩ ಕೋಟಿ ಗಳಿಕೆಯನ್ನು ಪಡೆದು, ವಿತರಣಾ ಫಾಲು ೨೫.೩೩ ದೊಂದಿಗೆ ಇದನ್ನು ಭಾರತೀಯ ಬಾಕ್ಸ್ಆಫೀಸ್ ವಿಫಲವಾದ ಚಿತ್ರ ಎಂದು ಘೋಷಿಸಿದೆ.[೨೨]
thumb|left|ಐಐಎಫ್ಎ ಪ್ರಶಸ್ತಿ ಪ್ರಧಾನ ಸಂದರ್ಭದಲ್ಲಿ (2007) ಅಭಿಷೇಕ್ ಬಚ್ಚನ್ ಅವರು ತಮ್ಮ ಪತ್ನಿ ಐಶ್ವರ್ಯಾ ರೈ ಬಚ್ಚನ್ ಅವರೊಂದಿಗೆ. ಅಕ್ಟೋಬರ್ ೨೦೦೨ರಲ್ಲಿ, ಅಮಿತಾಬ್ ಬಚ್ಚನ್ರ ೬೦ನೆಯ ಹುಟ್ಟುಹಬ್ಬದ ಸಮಾರಂಭದಲ್ಲಿ, ಅಭಿಷೇಕ್ ಬಚ್ಚನ್ ಮತ್ತು ನಟಿ ಕರಿಷ್ಮ ಕಪೂರ್ ವರ ನಿಶ್ಚಿತಾರ್ಥವನ್ನು ಪ್ರಕಟಿಸಿದ್ದರು.[೨೩] ಆದರೆ ಜನವರಿ ೨೦೦೩ರಲ್ಲಿ ಈ ನಿಶ್ಚಿತಾರ್ಥವನ್ನು ತಿರಸ್ಕರಿಸಲಾಯಿತು. ೨೦೦೬ರಲ್ಲಿ, ಯುಕೆ ವಾರ್ಷಿಕ ಪತ್ರಿಕೆ ಈಸ್ಟರ್ನ್ ಐ ಬಚ್ಚನ್ರನ್ನು ಏಷ್ಯಾದಲ್ಲೇ ಅತ್ಯಂತ ಶೃಂಗಾರ ಪುರುಷ ಎಂದು ಹೆಸರಿಸಿತು.[೨೪] ಟೈಮ್ಸ್ ಆಫ್ ಇಂಡಿಯಾ ಇವರನ್ನು ಭಾರತದ ಅತ್ಯಂತ ಯೋಗ್ಯ ಬ್ರಹ್ಮಚಾರಿ ಎಂದು ಕರೆಯಿತು.[೨೫] ಬಚ್ಚನ್ ಮತ್ತು ನಟಿ ಐಶ್ವರ್ಯ ರೈ ೧೪ ಜನವರಿ ೨೦೦೭ರಂದು ತಮ್ಮ ನಿಶ್ಚಿತಾರ್ಥವನ್ನು ಪ್ರಕಟಿಸಿದರು.[೨೬] ಈ ಜೋಡಿಯ ಮದುವೆ ೨೦ ಏಪ್ರಿಲ್ ೨೦೦೭ರಂದು ನಡೆಯಿತು, ಇವರ ಮದುವೆಯು ರೈರ ದಕ್ಷಿಣ ಭಾರತದ ಬಂಟ್ ಸಮುದಾಯದ ಸಂಪ್ರದಾಯದ ಪ್ರಕಾರ ನಡೆಯಿತು. ಸಾಂಕೇತಿಕ ಉತ್ತರ ಭಾರತದ ಮತ್ತು ಬೆಂಗಾಲಿ ಆಚರೆಗಳನ್ನು ಸಹ ಆಚರಿಸಲಾಯಿತು. ಮದುವೆಯು ಮುಂಬಯಿನ, ಜುಹು ದಲ್ಲಿನ ಬಚ್ಚನ್ರ ನಿವಾಸ ಪ್ರತೀಕ್ಷದಲ್ಲಿ ಒಂದು ಖಾಸಗಿ ಸಮಾರಂಭವಾಗಿ ನಡೆಯಿತು, ಆದರೆ ಹೆಚ್ಚಿನ ಸಂಖ್ಯೆಯಲ್ಲಿ ಮನರಂಜನಾ ಮಾಧ್ಯಮಗಳಿಂದ ಇದನ್ನು ವೈಭವೀಕರಿಸಲಾಯಿತು. ದಂಪತಿಗಳು ಸೋಮವಾರ, ೨೮ ಸೆಪ್ಟೆಂಬರ್ ೨೦೦೯ರಂದು ದಿ ಓಪ್ರಾಹ್ ವಿನ್ಪ್ರೆ ಷೋ ನಲ್ಲಿ ಕಾಣಿಸಿಕೊಂಡಿದ್ದರು.[೨೭]
ಬಚ್ಚನ್ ಗಳಿಸಿದ್ಧ ಪ್ರಶಸ್ತಿಗಳಲ್ಲಿ, ಪಾ ಚಿತ್ರಕ್ಕಾಗಿ ನ್ಯಾಷನಲ್ ಫಿಲ್ಮ್ ಅವಾರ್ಡ್ ಫರ್ ಬೆಸ್ಟ್ ಫ್ಯೂಚರ್ ಫಿಲ್ಮ್ ಇನ್ ಹಿಂದಿ (ನಿರ್ಮಾಪಕರಾಗಿ) ಮತ್ತು ಯುವ ಚಿತ್ರಕ್ಕಾಗಿ ೨೦೦೫ರ ಸ್ಟಾರ್ಡಸ್ಟ್ ಸ್ಟಾರ್ ಆಫ್ ದಿ ಇಯರ್ ಅವಾರ್ಡ್ - ಮೇಲ್ [೨೮] ಹಾಗು ೨೦೦೫, '೦೬ ಮತ್ತು '೦೭ರಲ್ಲಿ "ಉತ್ತಮ ಫೋಷಕ ನಟ" ಶ್ರೇಣಿಯ ಫಿಲ್ಮ್ಫೇರ್ ಅವಾರ್ಡ್ಸ್ ಸೇರಿವೆ[೧][೨೯][೩೦][೩೧]
{{cite news}}
: Check date values in: |date=
(help); Italic or bold markup not allowed in: |publisher=
(help)