Mikroneziya Federativlik Shtatları, geyde jay ǵana Mikroneziya (inglisshe Federated States of Micronesia ) — Okeaniyadaǵı Mikroneziya geografiyalıq regionındaǵı Jańa Gvineyadan arqa tárepte, Karolina atawlarında jaylasqan mámleket.
Mikroneziya – «kishi ataw» ataması áyyemgi grek tilindegi μικρός «mikros» – «kishi» hám νῆσος «nesos» – «ataw» sózlerinen kelip shıqqan bolıp, sózdiń aqırındaǵı -iya jalǵawı ádette mámleketler hám aymaqlardı ańlatadı. Bul aymaqtıń bulay atalıwına okeannıń usı bólegindegi atawlardıń kóleminiń kishiligi sebep bolıp, termin XIX ásirdiń birinshi yarımınan baslap paydalanıladı .