Մայլի Սայրըս անգլերէն՝ Miley Ray Cyrus | |
---|---|
| |
Ծննդեան անուն | անգլերէն՝ Destiny Hope Cyrus |
Նաեւ յայտնի է իբրեւ | Miley Cyrus |
Ծնած է | 23 Նոյեմբեր 1992 (31 տարեկան) |
Ծննդավայր | Նաշվիլ, Ամերիկայի Միացեալ Նահանգներ |
Քաղաքացիութիւն | Ամերիկայի Միացեալ Նահանգներ |
Մայրենի լեզու | անգլերէն |
Ուսումնավայր | JMC Academy? |
Ազդուած է | Էլվիս Փրեսլի, Մադոննա?, Դոլլի Փարթոն?, Թիմբալենդ?, Ջոան Ջետ?, Լիլ' Քիմ?, Luisito Comunica?, Hanson?, OneRepublic? եւ Բրիթնի Սփիրս? |
Երկեր/Գլխաւոր գործ | Հանա Մոնտանա? եւ Վերջին երգը? |
Տեսակ | փոփ երաժշտութիւն, Քանթրի?, Փոփ ռոք, Պարային փոփ, էլեկտրոփոփ?, ռոք, Հիփ-հոփ, թին փոփ? եւ քանթրի փոփ? |
Մասնագիտութիւն | Հեղինակ ու կատարող, Հնչիւնաւորող, երաժիշտ, Հեռատեսիլի դերասան, Շարժապատկերի դերասան, երգիչ, դերասան |
Կուսակցութիւն | Ժողովրդավարական Կուսակցութիւն |
Ամուսին | Լիամ Հեմսվորթ? |
Ծնողներ | հայր՝ Բիլի Ռեյ Սայրուս?, մայր՝ Tish Cyrus? |
Կայքէջ | mileyworld.com |
Ստորագրութիւն |
Մայլի Ռեյ Սայրըս (անգլերէն՝ Miley Ray Cyrus, 23 Նոյեմբեր 1992, Նաշվիլ, Ամերիկայի Միացեալ Նահանգներ) ամերիկացի երգչուհի, երգահան եւ դերասանուհի,
Ան իր դերասանական առաջին քայլերը առած է նկարահանուելով «Doc» հաղորդաշարին եւ «Մեծ ձուկը» ժապաւէնին մէջ։ 2006-ին Սայրըսը կը դառնայ խոստումնալից դեռահաս-կուռք՝ մասնակցելով Disney Channel-ի Հաննահ Մոնթանա մանկական հաղորդաշարին, նկարահանումներու լսումներուն եւ ստանալով գլխաւոր հերոսուհիի՝ Մայլի Սթուարթի դերը։ 2007-ին Hollywood Records-ի հետ պայմանագիր կնքելով, Սայրըսը կը հրապարակէ իր աշխատանոցական ալպոմը՝ «Meet Miley Cyrus»-ը։ Այդ կը դառնայ քառապատիկ-փլաթինէ, կը վաճառուի աւելի քան 4 միլիոն օրինակներով եւ կը հրապարակէ «See You Again» երգը։
2008-ին Սայրըսը կը հրապարակէ իր երկրորդ՝ «Breakout» ալպոմը, որուն մէջ ներառուած էր յաջողուած 7 Things երգը եւ կը սկսի հնչիւնաւորող-դերասանուհիի ասպարէզը Պոլդ մանուկներու ժապաւէնով։ 2009-ին Սայրըսը կը նկարահանուի «Հաննա Մոնթանա» Ժապաւէնին մէջ, որուն The Climb երգը կը դառնայ աշխարհահռչակ։ 2009-ին հրապարակուած The Time of Our Lives փոքր ալպոմին մէջ Մայլին հանդէս կու գայ աւելի հասուն կերպարով, որով մեծ յաջողութիւններու կը հասնի Party in the USA երգը։ Անցման ժամանակաշրջանը կը շարունակուի իր երրորդ՝ Can't Be Tamed (2010) աշխատանոցական ալպոմին մէջ։ Ալպոմի համանուն երգը պետք է ունենար մեծ յաջողութիւն, սակայն ծանուցումներու անյաջողութիւններու պատճառաւ այդ դարձաւ Սայրըսի երաժշտական ասպարէզի ամենաքիչ վաճառուած երգը։ Նոյն տարուան վերջին, ան կը նկարահանուի Վերջին երգը ժապաւէնին մէջ, որով կը սկսի իր եւ Լիամ Հեմսվորթի սիրային յարաբերութիւնները, զոյգը միասին կը մնայ աւելի քան երեք տարի՝ աւարտելով յարաբերութիւնները 2013-ին։
2011 եւ 2012 թուականներուն Սայրըսը կը կեդրոնանայ դերասանական ասպարէզին վրայ, նկարահանուելով քանի մը հաղորդաշարերու եւ ժապաւէններու մէջ ։ Այնուհետեւ ան պայմանագիր մը կը կնքէ RCA Records-ի հետ, «Bangerz»-ի (2013) ալպոմին գծով, որ գայթակղեցուցիչ կը համարուի հանրութեան կողմէ։
2010-ին Սայրըսը Forbes-ի 100 ցուցակին մէջ 13-րդ հորիզոնականը կը գրաւէ եւ կը ճանչցուի իբրեւ «Ամենաշատ սիրուած դեռահաս երգչուհին», 2011-ին կ'անցնի Guiness Book of World records-ին, 2009-ի Նոյեմբերին ունենալով 21 երգեր «Billboard Hot 100»-ի մէջ։ 2013-ին MTV-ն զիմք կը ճանչնայ իբրեւ «Տարուան Արուեստագիտուհի»:
Դեսթինի Հոուփ Սայրըսը (անգլ. թարգմ. Destiny, Hope - ճակատագիր, յոյս) ծնած է 23 Նոյեմբեր 1992-ին Ֆրանկլին, Թենըսիի մէջ Լեթիշիա Ճին «Թիշ» Սայրըսի եւ գեղջկական երգիչ Պիլլի Ռէյ Սայրըսի ընտանիքին մէջ։ Ան մեծցած է Ֆրանկլինի մէչ գտնուող 200 հեկդարանոց ագարակի մը մէջ։ Իր անունը դրուած է ծնողներուն կողմէ, հաւատալով, որ իրենց դուստրը կը դառնայ մեծ մարդ եւ կ'ընէ լաւ բաներ։ Նաեւ ստացած է «Սմայլի» մականունը՝ իր մանկական ժպիտին պատճառով, որ շուտով կրճատուեր է «Մայլի»-ի։ Ան 2008-ին պաշտօնապէս կը փոխէ իր անունը Մայլի Ռէյ Սայրըսի. իր երկրորդ անունը մնացած է հօրենական կողմի մեծ հօր՝ ժողովրդավար քաղաքական գործիչ Ռոնալտ Ռէյ Սայրըսէն, որուն հետ ան շատ մտերիմ էր մինչեւ 2006 թուական, երբ ան մահացաւ։ Սայրըսի ծնողները կ'ամուսնանան իր ծնելէն մէկ տարի ետք՝ Դեկտեմբեր 28, 1993-ին։ Այնուհետեւ անոնք կ'ունենան երկու երեխաներ՝ որդի Պրէյսոնը եւ դուստր Նոան։ Սայրըսն ունի աւագ եղբայր Թրէյսը եւ քոյր Պրենտին, եւ աւագ խորթ-եղբայր Քրիստոֆըրը։ Քրիստոֆըրը մեծցած է իր մօր Քրիստին Լիւքի հետ՝ Հարաւային Քարոլանիայի մէջ. Իր չորս քոյրերն ու եղբայրները նոյնպէս կը զբաղին զուարճութեան բիզնեսով։ Թրէյսը Metro Station փոփ խումբին եգիչն ու կիթառիստն է, Նոան դերասանուհի է, Պրէյսոնը նորաձեւութեան տիպար, իսկ Պրենտին կիթառիստ։
Սայրըսի կնքամայրը գեղջկական երգչուհի Դոլլի Փարթոնն է։
Մայլին յաճախած է «Heritage» տարրական դպրոցը։ Ան մեծցած է որպէս քրիստոնեայ եւ կնքուած է Հարաւային Պաբդիստական եկեղեցիին մէջ՝ 2005-ին Հոլիուտ տեղափոխուելէն առաջ։ Ան յաճախ եկեղեցի կ'երթար եւ կը կրէր մաքրութեան մատանի մինչեւ մեծնալը։ 2001-ին, երբ Սայրըսը ութ տարեկան էր, ան եւ իր ընտանիքը կը տեղափոխուին Թորոնթօ, Քանատա, քանի որ հայրը կը նկարահանուէր Doc հաղորդաշարին մէջ։ 2001-ին Պիլլի Ռէյը տանիլով զայն Mirvish production-ի Mamma Mia!-ին Royal Alexandra փառատօնին, Սայրըսը կը բռնէ հօր ձեռքը ու կ'ըսէ. «Հայրիկ, այս է ինչ ես կ'ուզեմ ընել: Ես կը ցանկամ դերասանուհի դառնալ»: Ան Թորոնթոյի մէջ գտնուող Armstrong Acting Studio-ին մէջ կը ստանայ դերասանական արուեստի եւ երգեցողութեան դասընթացքներ։ Ստանալով իր առաջին դերը, Սայրըսը կը խաղայ «Քայլի» դերը Doc-ի մէջ։ 2003 թվականին, Մայլին դիդրերում նշուեցաւ որպէս Դեսթինի Հոուփ եւ խաղաց Թիմ Բարթոնի «Մեծ ձուկը» ժապաւէնին մէջ փոքրիկ Ռութիի դերը։ Այդ ժամանակաշրջանին, ան Թէյլոր Լոթնըրի հետ կը մասնակցի «Sharkboy and Lavagirl» 3D ժապաւէնին, որուն մէջ անյաջողութիւն ունեցաւ եւ իր փոխարէն ընտրուեցաւ ուրիշ դերասանուհի մը, սակայն Սայրըսը կը սկսի իր ասպարէզը «Հաննահ Մոնթանա»-ով։
11 տարեկանին, Սայրըսը կը մասնակցի Հաննա Մոնթանայի լսումներուն, Disney Channel-ի մանկական հաղորդաշարին, որ կը պատմէ դպրոցական աղջկայ մը մասին, որ կը վարէ երկու կեանք՝ ըլլալով նաեւ փոփ-երգչուհի։ Սայրըսի տեսասկաւառակը ղրկուեցաւ աշխատանոց, Հաննայի լաւագոյն ընկերուհիի դերի համար, սակայն ան այնպէս մը յայտնեց այդ մասին, որ ան մասանկցի գլխաւոր դերի՝ Քլոյէ Սթյուարթի լսումներուն։ Ղրկելով նոր տեսասկաւառակ եւ երթալով դէպի Հոլիուտ, Սայրըսը ըսաւ, որ ան դեռ շատ փոքր է այդ դերին համար։ Չնայած անոր, հաղորդաշարի յօրինողները հրաւիրեցին զայն լսումներուն՝ ստուգելու անոր դերասանական եւ երաժշտական ունակութիւնները։ Այդ նոյն տարին Սայրըսին բաժին հասաւ գլխաւոր դերը, սակայն արդէն վերանուանուած Մայլի Սթուըրթի։ «Հաննա Մոնթանա»-ի նախադիտումը տեղի ունեցաւ 24 Մարտ, 2006-ին, եւ ունեցաւ Տիզնի կայանի երբեւէ ունեցած լաւագոյն արդիւնքը՝ ապահովելով առաւելագոյն հեռատեսիլի ադիտողներ եւ դառնալով ամեանբարձր վարկանիշ ունեցող հաղորդաշարերէն մէկը, բարձրացնելով Սայրըսի հարստութիւնն ու փառքը։ Այս ամէնը օգնեցին Մայլիին դառնալ միլիոնաւոր դեռահասներու կուռքը։ Time ամսագիրը անդրադարձաւ Սայրըսի փայլող յաջողութեան, ըսելով, որ ան անոր հասած է իր տաղանդի շնորհիւ։ Մայլին եղաւ առաջին արուեստագէտը, որ պայմանագրեր կնքեց հեռատեսիլի կայաններու, կինեմատոգրաֆիայի, սպառուող ապրանքներու ընկերութիւններու եւ երաժշտական լէյբլերի հետ՝ միաժամանակ համագործակցելով Ուոլթ Դիսնէյ ընկերութեան հետ։ Քանի որ Սայրըսի գործը կը բարգաւաճէր, անոր մայրը կատարեց քանի մը կարեւոր որոշումներ դստեր ներկայացուցչութեան հարցի գծով։ Ան պայմաանգիր ստորագրեց Միշէլ Գոսեթի հետ, որ Cunningham Escott Slevin Doherty-ի երիտասարդական բաժնի տնօրէնն էր։ Անոր յանձանրարուած էր «բացայայտել» ՍայրըսինՀաննա Մոնթանայի լսումներուն մասանկցելէն յետոյ։
Սայրըսի կնքամայր, գեղջկական երգչուհի Դոլլի Փարթոնի առաջարկով, Թիշ Սայրըսը պայմաանգիր կնքեց նաեւ Ճէյսըն Մորիի հետ Morey Management Group-էն, որ զբաղուեցաւ անոր երաժշտական ասպարէզով։
Հաննա Մոնթանայի գլխաւոր երգ «The Best of Both Worlds»-ի նախադիտումը տեղի ունեցաւ 28 Մարտ 2006-ին։ Երգը նշուեցաւ որպէս «Հանա Մոնթանայի»՝ յայտնի փոփ աստղի կերպարով, որ կը մարմանւորէր Մայլին։ Ամէն անգամ, երբ Սայրըսը կը կատարէր Մոնթանային վերագրուած երգերը, ան կը հագնէր տիպիկՀաննա Մոնթանայի հագուստները։ Այդ դարձաւ Սայրըսի առաջին աղիւսակաւորուած երգը՝ զբաղեցնելով Billboard Hot 100-ի 92-րդ տեղը։ Երգը յաջողութիւններ ունեցաւ նաեւ այլ երկիրներու մէջ, Մեծ Փրիտանիոյ մէջ զբաղեցնելով 43-րդ հորիզոնականը, իսկ Իրլանտայի մէջ 17-րդ հորիզոանկանը։ Հագնելով որպէս Հաննա Մոնթանա, ան կատարեց The Cheetah Girls-ի «The Party's Just Begun Tour»-ի 22 համերգներու բացումը, որ սկսաւ 15 Սեպտեմբեր 2006-ին։ Հոկտեմբեր 24-ին Walt Disney Records-ը հրապարակեց Հաննա Մոնթանայի երգերու առաջին ալպոմը։ Ալպոմին մէջ արձանագրուած 9 երգերէն 8-ը հատը վերագրուած էին Մոնթանային, իսկ մէկը, որ ան կը կատարէր իր հօր հետ, որուն անունն էր «I Learned from You»՝ նշուած էր Սայրըսը, որպէս կատարող։ Առաջին երգը, որ վերագրուած էր՝ Սայրըսին՝ Ճէյմս Պասկեթի "Zip-a-Dee-Doo-Dah" երգն էր, որ տեղ գտաւ Disney Mania-ի 4-րդ սկաւառակի մէջ եւ դուրս եկաւ 4 Ապրիլ 2006-ին։ Ալպոմը մէկ անգամէն տեղ գտաւ Ամերիկեան Billboard 200-ի առաջին հորիզոնականին մէջ եւ առաջին իսկ շաբաթէն կը վաճառուի 281,000 օրինակով։ Ալպոմը մնաց առաջին հորիզոնականին վրայ երկրորդ շաբթուան ընթացքին եւ համաշխարհային տարողութեամբ 3.7 միլիոն օրիանկով վաճառուեցաւ։ Այս ընթացքին Սայրըսը հրապարակեց իր հօր հետ ձայանգրած "Ready, Set, Don't Go" երգը, որ եղաւ իր առաջին յաջողութիւնը Top 40-ին մէջ, որ վերագրուած էր իրեն, իսկ Billboard Hot 100-ի մէջ գրաւեց 37-րդ հորիզոնականը։ Այդ դարձաւ նաեւ իր առաջին Top 10 յաջողութիւնը, որ Hot Country Songs-ին մէջ գրաւելով 4-րդ հորիզոանկանը։
Հաննա Մոնթանայի երկրորդ եթերաշրջանը պաստառ բարձրացաւ 23 Ապրիլ 2007-ին եւ ձայնասփռուեցաւ մինչեւ 12 Հոկտեմբեր 2008-ը։
Սայրըսը պայմանագիր կը կնքէ Hollywood Records-ի հետ՝ իր հետագայ ալպոմներու համար։ Կրկանկի սկաւառակ «Hannah Montana 2: Meet Miley Cyrus»-ը արձանագրուեցաւ 2007 թուականի Յունիսի 26-ին։ Առաջին սկաւառակը կը հանդիսանար այդպէս հաղորդաշարի երկրորդ եթերաշրջանի երգերու ալպոմ, իսկ երկրորդը՝ Սայրըսի առաջին աշխատանոցային ալպոմը։ Այն հրապարակման առաջին շաբաթէն իսկ գրաւեց Billboard 200-ի առաջին հորիզոնականը՝ վաճառուելով 326,000 օրինակով։ Recording Industry Association of America-ի համաձայն, ալպոմը շուտով կը դառնայ եռակի պլատինէ։ Սայրըսի առաջին երգը՝ «See You Again»-ը կը դառնայ անոր ասպարէզի առաջին Top 10-ը Billboard Hot 100-ին մէջ։ Երգը յաջողութիւններ արձանագրեց նաեւ Աւստրալիոյ մէջ եւ Քանատայի մէջ, գտնուելով նոյնպէս Top 10-ի աղիւսակներոն մէջ։
«Start All Over» երգը, որ ալպոմի երկրորդ երգն էր, դուրս եկաւ 2008-ի սկիզբին, սակայն չունեցաւ նախորդի յաջողութիւնը՝ զբաղեցնելով 68-րդ տեղը Hot 100-ին մէջ։ Հաննա Մոնթանայի բազմաթիւ երգեր զբաղեցուցած են տարբեր հորիզոնականներ։
Ժապաւէն | |||
---|---|---|---|
Տարին | Անունը | Դերը | Նշումներ |
2003 | Մեծ ձուկ | Ռութի | Երկրորդական դեր |
2007 | Աւագ դպրոցի Միւզիքըլ2 | Աղջիկ լողաuազանի քով | |
2008 | Հաննա Մոնթանա & Մայլի Սայրըս. 2 Աշխարհներու Լաւագոյնը Համերգ | Ինքը/Հանա Մոնթանա | Համերգային ժապաւէն, 3D |
Բոլտ | Փեննի | Միայն ձայնը | |
2009 | Հաննա Մոնթանա | Հանա Մոնթանա/Մայլի Ստուըրտ | Հիմնուած է կայանին հաղորդաշարին վրայ |
2010 | Վերջին Երգը | Վերոնիքա "Ռոննի" Միլլըր | Նիքոլաս Սփարքսի համանուն վէպի հիման վրայ |
Սեքս անտ տը սիթի 2 | Ինքը | ||
2011 | ԼՕԼ | Լոլա | Ֆրանսական ժապաւէնի հիման վրայ |
Ճասթըն Պիպըր. Երբեք մի՛ ըսեր Երբեք | Ինքը | Կամէօ |
|