အဒွေါင်ႏ | နာသာ |
---|---|
ဌာႏနချုတ် | ဝါသိဉ်တန် ဒီသီ |
ဝွန်ႏထမ်ꩻ | 17,960 (၂၀၂၂)[၁] |
ဆောင်ႏအွံ | "Exploring the secrets of the universe for the benefit of all"[၂] |
ရွဉ်တောင်ႏတာႏ | US$၂၄.၀၄၁ ဗီလီယံ (၂၀၂၂)[၃] |
Part of a series on the |
United States Space Program |
---|
Human spaceflight programs |
နာသာ ကဟဲ့ꩻဒါႏ စွိုးခွိုꩻ အာကာသတောမ်ႏတလီꩻခြောင်ꩻ အွဉ်ငါဌာႏန (အိန်းကလေတ်: National Aeronautics and Space Administration, NASA /ˈnæsə/) နဝ်ꩻ ထွာဒျာႏ အမေႏရိကန်ႏခမ်း အာကာသစီႏမံႏကိန်ꩻထာꩻမာꩻတန်အတာႏ တာႏဝွန်ႏကအဝ်ႏဒါႏ အစိုႏရပဲင်ႏ ဌာႏနတဗာႏဒျာႏသွူ။ နာသာယို ခရိစ်နေင်ႏ ၁၉၅၈ ဗာႏ လာဇွန်လုဲင် ၂၉ နီꩻကို ကအွောန်ႏထွာဒါႏအတီႏ စွိုးခွိုꩻ အာကာသတောမ်ႏ တလီꩻခြောင်ꩻ(လေကြောင်း)ဆဲင်ႏရာႏ ဥပဒေႏအလꩻ တယ်ႏထောင်ႏခါꩻဒျာႏတဲင်တွော့ꩻ သော့ꩻလုဲင်ႏထိုꩻဖေႏ အစွိုꩻအရီး တလီꩻခြောင်ꩻဆဲင်ႏရာꩻ စွိုးခွိုꩻဖေႏကျံႏဉာဏ်ႏ ကောႏမတီႏအစွိုꩻ ခင်ႏလမ်းနဝ်ꩻသွူ။ ခွုမ်မာꩻစလွေꩻဒျာႏ ခရိစ်နေင်ႏ ၁၉၅၈ ဗာႏ လာအောက်တိုဗာ ၁ နီꩻတဲင်[၄] တယ်ႏအခိန်ႏနဝ်ꩻခါကာႏ အဝ်ႏခွုမ်မာꩻဖောႏလွေꩻလဲဉ်း လွူꩻထွား အာကာသ ထောင်ထွားရေꩻ ထာꩻမာꩻတန်စီႏမံႏကိန်ꩻဖုံႏသွူ။ ကထင်ႏလွေꩻဒါႏ လာကမ္ဘာႏထျ့ꩻ အပိုလိုစီႏမံႏကိန်ꩻ၊ ခမ်းစွုမ်ႏနုဲင်ငံတကာ အာကာသစခန်ꩻ စတဲင်စီႏမံႏကိန်ꩻဖုံႏ ပါနဝ်ꩻသွူ။
နာသာနဝ်ꩻ ဆဲင်ႏတောမ်ႏ အာကာသခရာႏ ပရိုဂရမ်ဖုံႏတကာႏတဝ်း အဝ်ႏဆဲင်ႏလွေꩻပါ စဲ့ꩻရေꩻတောမ်ႏ စဲ့ꩻရေꩻတမွေးတဝ်းဒါႏ တလီꩻခြောင်ꩻ(လေကြောင်း) တောမ်ႏ အာကာသဆဲင်ႏရာꩻ သုတေသန၊ အတာႏဆွာꩻ သုတေသန ထာꩻမာꩻတန်ဖုံႏသွူ။ နာသာနဝ်ꩻ အဓိကအဝ်ႏရေႏမိုးလွေꩻဒျာႏ အဝ်ႏသိပ္ပံပညာႏ ဖေႏကသေနာႏထောင်ထွားနွောင်ꩻစဲင်းထဲင်း ကမ္ဘာႏဟံႏ အခရာႏတောမ်ႏ[၅] ထွူတကာႏတဝ်း ဖေႏကမာꩻထင်ႏထိုဖေႏနွောင်ꩻပါထဲင်းထဲင်း ဒါရိုက်ထရိတ်သီး ဟီလီယိုရူပဗေဒ သုတေသန ပရိုဂရမ် သိပ္ပံစီႏမံႏကိန်ꩻဖုံႏသွူ။[၆] တောမ်ႏအရန်းထိုရိုဗော့(စက်ရုက်)တွော့ꩻ ထောင်ထွားစောႏတနာႏပါ မွူးအစွိုꩻအဗူႏကို ကအဝ်ႏဒါႏ ရုက်တခြိုꩻဖုံႏ နုဲင်းဒါႏ နျူးဟော်ရီသိုန်(New Horizons)ဖုံႏလဲ့ အဝ်ႏပါနေနေသွူ။[၇]