چاستن درو بيبر (بالانجليزى: Justin Drew Bieber, /ˈbiːbər/; اتولد فى 1 مارس 1994) هوا مغنى و كاتب اغانىكانادى اكتشفه المدير التنفيذى للتسجيلات الامريكانى سكوتر براون, و سجل مع شركة ار بى ام جى ريكوردز سنة 2008, و من بعدها اتعرف لما نزل اول البوم اسطوانه مطوله ليه ماى وورلد (2009), و اللى فيه سبع تراكات بس.
حقق بيبر نجاح تجارى لما نزل اول البوم استوديو ليه ماى وورلد 2.0 (2010), و اللى ظهر لاول مره على قمة بيلبورد 200 فى امريكا. الالبوم ده فيه اغنيته السينجل الناجحه عالميا "بيبى" (غنى معاه فيها الرابر لوداكريس), و اللى بقت واحده من الاغانى السينجل الاحسن مبيعا فى التاريخ فى امريكا. البومه الاستوديو التانى, اندر ذا ميسلتو (2011), بقى اول البوم كريسماس لفنان راجل يظهر اول مره فى المركز الاول فى امريكا. ابتدا بيبر يخش على نوعية اغانى بوب الرقص فى البومه الاستوديو التالت, بيليڤ (2012), و اللى ظهر للمره الاولى فى المركز الاول فى امريكا على بيلبورد 200.
دخل بيبر كمان على الاغانى الالكترونيه الراقصه لما اتعاون مع ديو اسمه جاك يو كمغنى رئيسى لاغنية "وير ار يو ناو", و اللى كسبت جايزة جرامى احسن تسجيل رقص/الكترونى. و بعد كده نزل البومه الاستوديو الرابع پورپوس, و اللى كان فيه الاغانى السينجل التلاته اللى كانو مركز اول فى امريكا: "لوڤ يور سيلف", و "سورى", و "وات دو يو مين؟". بعد كده ابتدا بيبر يتعاون فى اغانى مختلفه و كتيره فى الفتره ما بين 2016 و 2017, و اللى منها اغنية "ام ذا وان" بتاعت الدى چيه خالد و ريمكس لاغنية "ديسپاسيتو" بتاعت لويس فونسى, و الاتنين وصلو للمركز الاول على بيلبورد هوت 100 و كان بيفصل ما بينهم اسبوع واحد بس, و ده خلى بيبر اول فنان فى التاريخ يحط اغانى جديدة فى المركز الاول فى اسابيع ورا بعض. كمان اغنيه "ديسپاسيتو" كسبت بيبر اول جايزة جرامى لاتينى ليه. و كسب تانى جايزة جرامى ليه على اغنيه "10,000 اورز", و دى اغنيه كانترى اتعاون فيها مع ديو اسمه دان + شاى.
فى 2020, نزل بيبر البومه الاستوديو الخامس, تشينجز, و اللى ظهر لاول مره فى المركز الاول فى المملكه المتحده و امريكا, و دويتو مع اريانا جراندى, "ستاك ويذ يو", و اللى ظهرت للمره الاولى على قمة بيلبورد هوت 100 بامريكا. فى 2021, نزل بيبر البومه الاستوديو السادس جاستس, و اللى ظهر لاول مره على قمة بيلبورد 200 بامريكا, و اللى كان فيه التراك الناجح عالميا بتاعه "بيتشس". وفى نفس السنه نزل اغنيه اسمها "ستاى", و اللى بقت تامن اغنيه سينجل ليه رقم واحد فى امريكا.
اتولد چاستن بيبر فى مدينة لندن, اونتاريو, و اتربى فى ستراتفورد, اونتاريو. امه, پاتى مالات, و ابوه, چيريمى بيبر, متجوزوش خالص, و جابوا چاستن و هما عندهم تمنتاشر سنه, و انفصلوا عن بعض بعد ما جابوا چاستن بشويه. چاستن عنده 3 اخوات, چازمين, و چاكسون, و باى, و كلهم من نفس الاب بس. چاستن عاش مع امه و حافظ على اتصال مع ابوه. پاتى مالات اشتغلت فى وظايف مكتبيه بتدفع قليل و عاشت هيا و بيبر فى سكن لبتوع الدخل القليل. ام پاتى و جوز امها ساعدوها فى تربية بيبر. فى 2007, كان عنده اتناشر سنه, اشترك بيبر فى مسابقه محليه للغنا, و هناك غنى اغنية "سو سيك" للمطرب نى-يو, و خد المركز التانى. امه نشرت الڤيديو على يوتيوب و كملت تنزيل لڤيديوهات لبيبر وهوا بيغنى اغانى كوفر لمغنيين تانيين لحد ما زادت شعبية بيبر على يوتيوب.
↑Parvis, Sarah E (2010). McMeel, Andrews (ed.). Kansas City, MO. London: Simon & Schuster. pp. 13–17. ISBN978-1-4494-0181-8. Archived from the original on October 27, 2023. Retrieved August 4, 2010.