تلڤزيون لمركزي د شينوا (ب شينوية 中国中央电视台) ؤلا CCTV هي شبكة رسمية ديال الشينوا د لإذاعة ؤ تلفازة. شبكة عندها علاين 50 قنوات ؤ كتبت ل كتر من مليار ديال لمشاهدين ف 6 لوغات.
ف 1954، رّئيس د لحزب لشيوعي ماو زيدونݣ كان باغي شّينوا باش تكون عندها قناة د تّلفازة ديالها. ف 1 ماي 1958، بدا لبت ديال لول ل لقناة د تّلفازة ف شّينوا، ؤ كانت سميتها بَيجينݣ تلڤيزيون (Beijing Television). شبكة طلقات لقناة تّانية ديالها ف 1963، ؤ قناة تالتة ف 1969. ف 1973، بدا لبت ديالها ب لّوان.
ف بدية د 1978، بداو لبرامج رئيسية ديال لخبار، ؤ من بعد ف ماي 1978 ولّات سّمية ديالها CCTV (تلڤزيون لمركزي د شينوا).
ف لبدية، لقسم د دعاية د لجنة لمركزية د لحزب لشيوعي دار رقابة ديريكت ف لبرامج. ف سّنوات د 1990، لحزب دار ريݣلات جديدة، ولكن لبرامج ؤ لقنوات ديال شّبكة باقي تال دابا متقدرش تقول نتقادات علا لحزب شّيوعي. سيَيج جديد ديال تلڤزيون لمركزي د صين تّفتح ف 2 شتنبر 2008.
تقدر تزيد شوف بزاف د تّصاور و لمعلومات ديال China Central Television ف ويكيميديا كومنز. |